Team jeevandeep 22/08/2024 महत्वाच्या बातम्या
शहापूर ग्रामिण : उपनगरीय रेल्वे प्रवासी एकता संस्था(महासंघ) संलग्न कल्याण - कसारा रेल पेसेंजर असोसिएशनचे कल्याण-कसारा-कर्जत संघटनेच्या वतीने येथील आसनगाव रेल्वेस्थानकात विविध मागण्यांसाठी सफेद कपडे व काळ्या फीत लावून निषेध व्यक्त आंदोलन करण्यात आले.
आसनगाव रेल्वेस्थानकातील तसेच कल्याण -कसारा रेल्वे मार्गावर असलेल्या विविध समस्या सोडविण्यासाठी कल्याण-कसारा-कर्जत संघटनेच्या वतीने सफेद कपडे व काळ्या फिती लावून निषेध व्यक्त आंदोलन करण्यात आले. यामध्ये शेकडो रेल्वे प्रवाशांनी स्वतः काळी फीत लावून निषेध नोंदविला .
या निषेध आंदोलना प्रसंगी माजी आमदार पांडुरंग बरोरा यांनी आसनगाव रेल्वेस्थानक येथे भेट देली व रेल्वे प्रशासनाचा निषेध व्यक्त करत प्रवासी संघटनेच्या निषेध आंदोलनास जाहीर पाठिंबा दिला. यावेळी रेल्वे प्रवासी संघटनेचे जितेंद्र विशे, उद्योजक रविशेठ पाटील, संघटनेचे पदाधिकारी, रेल्वे पोलीस- प्रशासन, शहापूर पोलीस प्रशासन, कर्मचारी व रेल्वे प्रवासी उपस्थित होते.
