कल्याण(प्रतिनिधी ) 21/08/2024 महत्वाच्या बातम्या
कल्याण : कचरा वेचून कुटूंबाची उपजीविका चालविणाऱ्या गुलाब जगतापची कल्याण शहर भाजपच्या उपाध्यक्ष पदी निवड केल्याचे नियुक्ती पत्र माजी केंद्रीय राज्यमंत्री कपिल पाटील यांच्या हस्ते देण्यात आले. यावेळी मोठ्या संख्येने भाजपचे पदाधिकरी कार्यकर्ते उपस्थित होते.
गुलाब जगताप हे कल्याण पश्चिम भागातील साठे नगर झोपडपट्टीत कुटूंबासह राहून डंपिंगवर कचरा वेचण्याचे काम करतात. आईच्या पावलावर पाउल ठेवून त्यांनी हाच व्यसायाय निवडल्यांच ते सांगतात. माझी आई समाजकार्याचा एक भाग म्हणून शहरातील कचरा वेचून पोटाची खळगी भरत होती. गुलाब हे लहान वयात असतानाच (आरएसएस) संघाच्या जेष्ठ पदाधिकारी ललित सांरग, मधु फडके, माजी आमदार नरेंद्र पवार, अरुण देशपांडे, सुरेश पटवर्धन यांच्या मार्गदर्शनाखाली त्यांनी सामाजिक व राजकीय जीवनात सुरुवात केल्याचे त्यांनी सांगितले.
दरम्यान, कल्याण भाजपचे शहर अध्यक्ष वरुण पाटील यांनी गुलाबचे तळागळातील लोकांसाठी सामाजिक कार्य व पुढाकार पाहून त्यांची निवड केल्याचे सांगितले. त्यांना नियुक्ती पत्र देताना भाजपचे जिल्हा अध्यक्ष नरेंद्र सूर्यवंशीसह असंख्य कार्यकर्ते उपस्थित होते.
