team jeevandeep 05/04/2025 sthanik-batmya Share
डोंबिवली :
पूर्वेकडील छत्रपती शिवाजी महाराज चौकाजवळील त्रिमूर्तीनगर बाहेरील अर्धाअधिक रस्ता झाडांच्या कुंड्या विक्री करता ठेवतात. या रस्त्यावर वाहनांची वर्दळ असल्याने रस्तावरील कुंड्यामुळे अपघात होण्याची नकरता येत नाही. शनिवार 5 तारखेला पालिकेच्या 'फ' प्रभाग क्षेत्र सहायक आयुक्त हेमा मुंबरकर व अतिक्रमण पथकाने याठिकाणी कारवाई केली.रस्त्यावरील कुंड्या रस्त्यावरून उचलून बाजूला करण्यात आल्या. या ठिकाणचे अनधिकृत शेड जेसीबीच्या सहायाने जमीनदोस्त करण्यात आले.
पूर्वेकडील त्रिमूर्तीनगर बाहेर अनधिकृत शेड लावून व रस्त्यावर कुंड्या ठेवल्या जातात.याबाबत नागरिकांच्या तक्रारीवरून सहायक आयुक्त मुंबरकर यांनी शनिवारी अतिक्रमण पथकाला घेऊन सदर ठिकाणी कारवाई केली. अपघात होऊ नये व याठिकाणी नियमाचे पालन केले जात नाही याकरिता कारवाई केल्याचे सहायक आयुक्त मुंबरकर यांनी सांगितले.दरम्यान कारवाई पाहून वाहनचालकांनी पालिका आयुक्त व सहायक आयुक्त मुंबरकर यांचे आभार मानले.
