team jeevandeep 09/05/2025 sthanik-batmya Share
शहापूर :
तालुक्यातील प्रतिष्ठित असलेल्या किन्हवली सहकारी भात गिरणीच्या संचालक मंडळाच्या २०२५/२६ ते २०३०/३१ च्या निवडणुकीत सहकार क्षेत्रातील दिग्गज असलेले माजी पंचायत समिती सदस्य दत्तात्रय दिनकर यांची संचालक पदी बिनविरोध निवड करण्यात आली.
शहापूर तालुक्यातील मातब्बर नेते, राष्ट्रवादी काँग्रेस शरदचंद्र पवार पक्षाचे जेष्ठ नेते,कृषी उत्पन्न बाजार समिती शहापूर यांचेकडून सहकार क्षेत्रातील पुरस्कार प्राप्त व्यक्तिमत्व,खरेदी विक्री संघांचे माजी सभापती व विद्यमान संचालक, अस्नोली गावचे माजी सरपंच, माजी पंचायत समिती सदस्य दत्तात्रय मंगल दिनकर यांची किन्हवली शेतकरी सहकारी राईस मिलवर ओबीसी गटातून बिनविरोध संचालक पदी निवड करण्यात आली. किन्हवली पंचक्रोशीतील अनेक दिग्गजांनी दत्तात्रय दिनकर यांचा अनुभव पाहून आपले उमेदवारी अर्ज माघारी घेऊन त्यांची बिनविरोध निवड केली.दरम्यान किन्हवली राईस मिलच्या मतदारांचे व संचालकांचे दत्तात्रय दिनकर यांनी आभार मानले.दरम्यान सदर निवणूकीचे मतदान १४ मे २०२५ रोजी सकाळी ८ ते संध्याकाळी ४ वाजेदरम्यान होणार असून त्याच दिवशी मतमोजणी होणार आहे.
