Team jeevandeep 01/03/2025 sthanik-batmya Share
दि. २५ फेब्रुवारी २०२५ रोजी जीवनदीप महाविद्यालय गोवेली येथे शैक्षणिक वर्ष २०२४-२५ मधील महाविद्यालयाचा वार्षिक पारितोषिक वितरण व स्नेहसंमेलन कार्यक्रम पार पडला. या कार्यक्रमाचे औचित्य साधून महाविद्यालयाच्या माजी विद्यार्थी संघामार्फत पदवी आणि पदव्युत्तर पदवी मध्ये प्रथम क्रमांक प्राप्त केलेल्या विद्यार्थ्यांचा सन्मानचिन्ह व प्रमाणपत्र देऊन त्यांना सन्मानित करण्याचा एक विशेष उपक्रम राबविण्यात आला. मागील वर्षांपासून हा उपक्रम माजी विद्यार्थी संघामार्फत राबविला जात आहे. हा उपक्रम यशस्वी करण्यासाठी जीवनदीप शैक्षणिक संस्थेचे अध्यक्ष मा. श्री. रविंद्र घोडविंदे सर, संचालक मा. श्री. प्रशांत घोडविंदे सर, संचालिका मा. सौ. स्मिता घोडविंदे मॅम, महाविद्यालयाचे प्राचार्य डॉ. के. बी. कोरे सर, उपप्राचार्य प्रा. हरेंद्र सोष्टे सर यांचे विशेष मार्गदर्शन तथा सहकार्य लाभले. माजी विद्यार्थ्यांच्या हस्ते मागील वर्षात पदवी आणि पदव्युत्तर पदवी मध्ये प्रथम क्रमांक प्राप्त केलेल्या विद्यार्थ्यांचा सन्मान करण्यात आला. याप्रसंगी माजी विद्यार्थी संघाचे विद्यार्थी प्रतिनिधी श्री. बाळू फुलारे तसेच समन्वयक प्रा. जया देशमुख मॅम, सहसमन्वयक प्रा. रुची शुक्ला मॅम, प्रा. विजय सोनार सर आणि माजी विद्यार्थी मोठ्या संख्येने उपस्थित होते.
