team jeevandeep 17/04/2025 sthanik-batmya Share
मुरबाड दि.१७-
नॅशनल हेरॉल्ड प्रकरणी काँग्रेस नेत्या सोनियाजी गांधी व विरोधी पक्ष नेते राहुल गांधी यांच्या विरोधात मोदी शासनाने द्वेषपूर्ण व सुडबुद्धीच्या भावनेने कारवाई करण्याचा घेतलेला निर्णय हा लोकशाहीला घातक आहे. या अन्यायकारक निर्णयाच्या विरुद्ध काँग्रेस पक्षाने लढा सुरू केला असून आज जिल्हाधिकारी कार्यालय ठाणे येथे ठाणे शहर जिल्हा व ठाणे ग्रामीण जिल्हा काँग्रेसच्या वतीने निषेध आंदोलन करण्यात आले. महाराष्ट्र प्रदेशाध्यक्ष हर्षवर्धन सपकाळ यांच्या आदेशानुसार ठाणे शहर जिल्हाध्यक्ष विक्रांत चव्हाण व ठाणे ग्रामीण जिल्हाध्यक्ष दयानंद चोरघे यांनी आयोजित केलेल्या या आंदोलनाला राष्ट्रीय सचिव तथा कोकण प्रभारी वेंकटेश यांच्यासह ठाणे शहर, ठाणे ग्रामीण जिल्हा, कल्याण शहर जिल्हा, भिवंडी शहर जिल्हा व उल्हासनगर शहर जिल्हा मधील काँग्रेसचे पदाधिकारी मोठ्या संख्येने उपस्थित होते.
