team jeevandeep 19/04/2025 sthanik-batmya Share
मुरबाड दि.१९-(प्रतिनिधी)
मुरबाड तालुक्यातील डोईफोडी नदीलगत असलेल्या कासगाव हद्दीतील एका कोरड्याठाक विहिरीत तहानलेल्या साडेतीन वर्षांच्या हरीणीने ऊडी मारली परंतु विहीरीत पाण्याचा थेंबही नसल्याने त्या तहानेने व्याकूळ झालेल्या निरागस हरीणीने बाहेर पडण्यासाठी प्रयत्नांची पराकाष्ठा केली,मात्र विहिरीच्या काठावर येऊन पुन्हा पुन्हा खाली पडल्याने एक पाय मोडला तसेच गंभीर जखमा झाल्या या बाबत दक्ष तरुणांनानी मोबाईल द्वारे सरळगाव येथील वनरक्षक दिगंबर शिंगोळे,वनपाल भांगरे, वनरक्षक लखन रहाटे, भानुदास देसले, अर्जुन फोडले,व अश्वमेध प्रतीष्टान , तसेच वन्यजीव रेस्कुटीमचे साईनाथ भवार,प्रवीण भालेराव यांच्याशी संपर्क साधला असता त्यांनी घटनास्थळी धाव घेऊन अथक परिश्रमाने हरीणीला विहीरी बाहेर काढले परंतु हरीण मोठ्या प्रमाणात जखमी झाल्याने हरीण गतप्राण झाली.
या दुर्दैवी घटनेचे गांभीर्य लक्षात घेऊन वनविभागाने या मुक्या प्राण्यांसाठी कृत्रिम पाणवठे तयार करून वन्य प्राण्यांची तहान भागवण्यासाठी व्यवस्था केली पाहिजे अशी मागणी वन्य प्राणी प्रेमी कडुन होत आहे.
